Skip to main content

Anne Ocampo, milub king Top 10 ning Mutya ning Kapampangan 2023

Anne Ocampo, milub king Top 10 ning Mutya ning Kapampangan 2023; Best in Talent inuli ning lagung Riteñan
Ginawa yang kasaysayan ing pambatu ning balen Sta. Rita a y Maria Cecilia Anne Ocampo king Mutya ning Kapampangan 2023 kaybat ng milub king Top 10 ning ligligang legwan kayari ning labing atlung banwa.
Petunayan ning dalaga ing tune lagung Riteñan king pamagrampa at miyayaliwang aspetu ning kumpetisyun ibat king culinary headress, pidayit fashion show, swimwear, lantern inspired evening wear at question and answer portion.
Inuli ne ring Ocampo ing Best in Talent Award.
King question and Answer portion naman, eya rin peytalwi ing pambatu ning Sta. Rita.
King kutang a “Pageants faced criticism for perpetuating certain beauty standards, how do you plan to challenge this stereotype and promote a more inclusive definition of beauty?” anang mekibat Ocampo: “I believe that each of us has our own uniqueness and in beauty pageants yes we have standards but you know (that) physical appearance doesn’t really matter. There’s a lot of physical surgeons but what matters is your character and your purpose. I stand here for that purpose, for inclusivity, for everyone to be included. I stand here using my voice for that vision with a heart, with a substance. Thank you!”
Eman mipalad milub king Top 5, tune neng kikilalanan at pagmaragul ning balen ing lagu at gelingan ng Anne Ocampo at ding anggang taung sinawup kaya ibat king kayang handler at glam team.
Congratulations, dalagang Riteñan! Tune kang malagu at pagmaragul ning kekatamung balen.
Samantala, mikoronahan neman bilang Mutya ning Kapampangan 2023 ing pambatu ning Porac a y Salma Emam.
Photos from CLTV 36 Live and Pampanga PIO.

Official Website of Santa Rita