BAYUNG OPISYALIS NING PERSONS WITH DISABILITY AFFAIRS OFFICE

Migpulung la ding bayung halal a opisyalis da reng pengari at guardian da reng Persons With Disability o PWD ngening Miyerkulis, February 15, 2023.

 

Penimunan ne ning focal person ning grupu a y Ma’am Jacq Quiambao ing pulung kayantabe ing Municipal Administrator a y Jeff Bonifacio. Keti pisabyan dala ding miyayaliwang proyektu bang mas midinan lang pansin ding programa para kareng Persons with Disability.

 

Kayari ning pulung, meg Courtesy Call la naman ding bayung halal a opisyalis at ding miyembru ning Persons with Disability Affairs Office o PDAO kang Mayor Art Salalila.

 

Deni dina President Herminio Cruz ning Brgy. San Jose, Vice President Karen Canlas ning Brgy. San Basilio, Secretary Orlando Tolentino Jr. ning Brgy. San Agustin, Treasurer Myrna Sotelo ning Brgy. Becuran at Mary Anne Cayanan ning Brgy. Dila-dila.

 

Metung kareng prayoridad a katungkulan ning PDAO basi king Republic Act 10070 ing gawa at magpatupad polisiya, planu at programa para kung panyulung at kapakanan da reng PWDs kayantabe ding concerned agencies at ing lokal a gubyernu. Kayabe keni ing pamamye cash assistance at sawup medikal at pamanyiguradung alang diskriminasyun kareng kawangis da king nanu mang aspetu.

 

#TuneLugudatMalasakit