Bloodletting 2023
MODERN DAY HEROES
Mismung ding opisyal ning balen Sta. Rita a dila Councilors Alvin Martin, Kim Cosme, Municipal Administrator Jeff Bonifacio ding menimuna king pamagdonate daya king Bloodletting 2023 king Municipal Training Center anyang Lunis, June 9, 2023.
Inorganisa de ing aktibidad ding lider ning munisipyu king pamanimuna ng Mayor Art Salalila kayantabe ding empleyadu ning Department of Health at Municipal Health Office. Bukud kareng opisyal, migdonate la naman ding mapilang empleyadu.
Matagumpe ya ing programa a maglayung maging inspirasyun kareng aliwang tau na maging modernung bayani. Kapamilatan na kasi ning pamagdonate daya, makasawup la deni na madugtungan ing biye da reng aliwang taung mangailangan. Dagdag pa keti ing masanting a epektu niti king sirkulasyun ning daya.
