Cheki para king NegoCart project, pegkalub ning DOLE king balen Santa Rita

Pormal na neng inabut ning Department of Labor and Employment o DOLE ing checki a magkaulagang P480,000 para king Negosyo sa Kariton (Nego-Kart) Project king Balen Santa Rita ngening Lunis, January 30, 2023.

Target ning proyektu na asaupan ding labing anam a benepisyaryu. Deti ding ambulant vendors, persons with disabilities, senior citizens at aliwa pang Riteñans.

Metung ya ing Nego-kart kareng prayoridad a proyektu ning DOLE a maglayung saupan at mas paragulan pa ding negosyu da reng ambulant vendors o detang taung mamisaling miyayaliwang gule, karni at aliwa pang pamangan. Target na rin ning programa na mag-upgrade la pa ding serbisyu at produktu da reni bang mas miragdagan la customers.

Present la king awarding ding opisyalis ning DOLE Central Luzon at ding representanti ning balen a dila Mayor Art Salalila, Municipal Administrator Jeff Bonifacio at PESO Manager Eva Panlilio.