LEGISLATIVE BUILDING MITALAKAD KING BALEN STA. RITA

LEGISLATIVE BUILDING MITALAKAD KING BALEN STA. RITA
Ibat king simpling pangarap, ditak ditak neng maging tutu ing paninap ning balen Santa Rita a mika sariling Legislative Building. Iti kapamilatan ning proyektu ning legislative department king pamanimuna ng Vice Mayor Mercy Carreon kayantabe ding konsehal ning balen.
Katunayan, mig-site inspection na anyang Martis, January 10 ding opisyal ning Department of Public Works and Highways o DPWH District II king pamanimuna ng Engr. Bryan Angeles kayabe y Mayor Art Salalila at upisyal ning balen.
September 28 anyang mika Consultative Meeting la ding miyembru ning Sangguniang Bayan kang Senator Aquilino “Koko” Pimentel III king Senadu. Keti pinrisinta dala dina Vice Carreon at Councilors Reynan Calo, JR Salalila, Kimberly Cosme, Alvin Martin at Alex Cruz ing resolusyun para king pamagpatalakad king mesabing Legislative Building.
Atsu na la king DPWH ding 30 Million Pesos a budget ibat king opisina ng Senator Koko Pimentel. Target yang maumpisan mitalakad ing mesabing building king 2nd quarter ning banwang 2023.
Kapamilatan ning proyektu, mika sarili nalang Session Hall ding miyembru ning Sanggunian nung nukarin la gagawan ding batas at resolusyun king komunidad. Bukod kaniti, mas madakal la asaupan memalen deti uling mas dagul la reng karelang kanya-kanyang opisina.
💛💙❤️