MISA NING PASASALAMAT
Saktu king First Friday Mass, segawa ya king Plaza Sta. Rita ing Misa ning Pasasalamat para king mumunang banwa na king katungkulan Mayor Art Salalila ngening Biyernis, July 7, 2023.
Present la king aktibidad ding miyembru ning Sangguniang Bayan king pamanimuna ng Vice Mayor Mercy Carreon, Councilors Kim Cosme, Alex Cruz at JR Salalila at ding miyayaliwa pang sektor ning balen.
Kasabe na niti, pesalamatan nala ning Ibpa ning balen ding anggang Riteñans king suporta at king Tune Lugud at Malasakit king kayang administrasyun.
Nilatag na la naman ning alkaldi ding mapilang tagumpe ning kayang pamanungkulan. Mapilan ka reti ing malapit nang mitalakad a Legislative Building a talaga namang penigobran da reng miyembru ning Sangguniang Bayan.
Taglus ing konstruksyun at malapit ne mu ring mibuklat ing Dialysis Center king Brgy. Becuran bang asopan ding kabalen tamung magkakasakit.
Bayung Building mu rin ing mipagkalub kareng kapulisan at taglus ing suporta kareng kabaryu tamu kapamilatan da reng Social Services ning Munisipyu.
Menawagan yamu rin y Mayor na na tuluy tuluy mu ing suporta karela para king katuparan da reng anggang pangarap da reng manungkulan para kareng anggang Riteñans.
