Santa Rita is for Gender Equality and Inclusive Society

Kasabe ning pamagmasusi king Women’s Month ngening bulan ning Marsu penimunan ne ning lokal a gubyernu ning balen Santa Rita lalam ning lideratu ng Mayor Art Salalila ing 19th Women with Disabilities Day at Persons with Disabilities Affairs Office (PDAO) Livelihood Caravan Training ngening Huwebis, March 16, 2023.

Mismung ing Provincial Focal Person ning Persons with Disability a y Mary Ann Zamora ing megsalita at memye inspirasyun kareng abe king mesabing seminar a miki temang “WE for Gender Equality and Inclusive Society”.

Layun ning program na isulung ing kampanya king gender sensitivity, pante panteng panlawe at oportunidad at ing partisipasyun da alimu ding kababaihan nune pati reng PWD’s king panyulung ning balen.

Ksabe na niti, tirwanan dala deng miyembru ning PDAO basic manicure amd pedicure training at midinan la naman dening kit a pwedi dang agamit king dagdag dang panakitan at kebalwan.